Jo gedicht yn ús lânskip?
17 apr 2007
Jo gedicht yn ús lânskip?
BUITENPOST - In groepke frijwilligers út ús gemeente is dwaande mei it ûntwikkeljen fan in nije fytsrûte yn it moaie lânskip fan Achtkarspelen. It fytsrûntsje giet lâns it smûke kûlisselânskip, de dykswâlen, elzesingels, dobben, De Mieden, mar ek troch it iepen lânskip mei syn fiergesichten.
De fytsrûte wurdt ek in poëzyrûte. Fryske gedichten komme lâns de fytsrûte. Wurdt dit jo gedicht? Lit jo ynspirearje troch it moaie lânskip en skriuw in Frysk gedicht!
Wêr moat it gedicht oan foldwaan?
- it gedicht moat oer it lânskip fan ús gemeente gean
- it gedicht mei net langer wêze as tsien rigels
Stjoer jo gedicht foar 10 maaie 2007 nei de gemeente Achtkarspelen, t.a.f. mefr. D. Verbeek, Postbus 2, 9285 ZV Bûtenpost of fia e-mail: d.verbeek@achtkarspelen.nl.
Bron: Gemeente Achtkarspelen (17-04-2007)
